આ તો શું રોજ રોજ કીબોર્ડ પર આંગળા વેંઠારવાનાં,
મોબાઇલનાં કીપેડ પર,
ફેસબુકનાં સ્ટેટસ મેસેજમાં,
ગુગલ ટોકનાં ખાનામાં,
ટહુકો પણ ટ્વીટરમાં,
જાણે કે જીભ નહિં કીબોર્ડને વાચા ફૂટી,
ટેરવા પર આખી કાનીયાત,
ફોટોમાં મિત્રોને મહાલતા જુઓ,
આનંદ અને દુઃખ, નિરાશા અને આશા,
ગુસ્સો અને ગાંડપણ,
સંવેદનાઓનાં પણ સીમ્બોલ,
સાવ એવું નથી કે બધુ ખોટું છે,
પણ થોડુ વધારે હાવી છે,
આપણાં પર,
કોઇ નશાની જેમ,
વ્યસનની જેમ,
બોસ બહુ થયું,
રૂબરૂ મળીશું....
